سویڈن اچ گینگ ریپ اتے ایندی ویڈیو براہ راست نشر کرنڑ تے 3 بندے گرفتار

سویڈن اچ گینگ ریپ اتے ایندی ویڈیو براہ راست نشر کرنڑ تے 3 بندے گرفتار

سٹاک ہوم (پاکستان نیوز پوائنٹ 24جنوری2016ء) سویڈن دی پولیس ہک تریمت نال مبینہ جنسی زیادتی اتے ایں واقعے کو ںفیس بک تے براہ راست نشر کرنڑ دے شک اچ ترائے لوکاں کوں گرفتار کر گھدا ہے۔برطانوی نشریاتی ادارے دے مطابق سویڈن دے شہر اوپسالا دی پولیس کوں ہک تریمت نال گینگ ریپ دی ویڈیو فیس بک تے ڈکھاونڑ دا ڈسایا۔فیس بک تے ریپ دی ویڈیوہک گروپ اچ نشر کیتی گی ہئی تے اینکوں ڈیکھنڑ آلی ہک تریمت دے مطابق ویڈیو دے چھیکڑ تے ہک بندے کوں اے اکھیندے ہوئیں سنڑیا گیا جو تساڈا ریپ کیتا گیا ہے تے اندے بعد او بندہ کھلدا ہے ۔

پولیس بعد اچ تصدیق کیتی ہے تے ایں ویڈیو کوں بہوں لوکاں ڈٹھا۔پولیس دے مطابق ہک مقامی فلیٹ توں 19 توں 25 سال دی عمر دے ترائے لوکاں کوں گرفتار کیتا گیا ہے جڈاں جو فلیٹ تے ہک عورت وی موجودہئی۔سویڈن دے سرکاری ٹی وی دے مطابق اطلاع ملنڑ تے پولیس جڈاں وقوعے دی جاہ تے پجی تاں ایں ویلھے ملزمان ہک بئی ویڈیو بنڑیندے پے ہن