دمشق (پاکستان پوائنٹ نیوز۔27 جولائی۔2016) شام دے کْرد اکثریتی شہر قامِشلی اچ خوکش بمبار آپ کوں ھماکہ خیز مواد نال بھری گاڈی سمیت اڈاڈتا جیندے نتیجے اچ 44 بندے ہلاک اتے 140 زخمی تھی گئے ۔ شام دے سرکاری ٹیلی وژن دی رپورٹ دے مطابق ترک سرحد دے قریب واقع شمال مشرقی شہر اچ دھماکہ خیز مواد نال لڈی ہوئی گاڈی اچ موجود خوکش بمبار آپ کوں دھماکے نال اڈا ڈتا جیندے نتیجے اچ 44 افراد ہلاک اتے 140 زخمی تھی گئے ۔
زخمیاں کوں ہسپتال منتقل کرڈتا گئے جنہاں اچوں کجھ دی حالت تشویشنا ک ہے۔حکام ہلاکتاں اچ ودھارے تے خدشہ ظاہر کیتے ۔ ابتدائی طور تے آکھیا ویندا پئے جو اے ڈو بم دھماکے ہن جڈانجو شہر اچ ذرائع سیرئین آبزویٹری فار ہیومن رائٹس آکھے جو دھماکے پاروں گیس ٹینک وی دھماکے نال پھٹ گئے ۔ ایں حملے اچ کْرد دفتراں دے ہک کمپلیکس کوں نشانہ بنڑایا گئے ۔ ایں دوران دہشتگرد تنظیم داعش ایندی ذمہ داری قبول کرگھدی ہے ۔
