سعودی عرب وچ نوکری سانگے مقیم امریکی انجینئر اسلام قبول کر گھدا

ریاض (پاکستان پوائنٹ نیوز۔27 جولائی۔2016) سعودی عرب وچ گزریل 55 سال توں نوکری دی خاطر رہونڑ آلے ہک امریکی الیکٹریکل انجینئراسلام قبول کر گھدا ہے۔ اسلام قبول کرنڑ دے بعد امریکی نو مسلم اپنڑاں ناں نبی اکرم صلی اللہ و علیہ وسلم دی نسبت نال 'محمد' رکھیا ہے۔العربیہ ٹی وی دے مطابق 87 سالہ البرٹ ہانس 1961ء وچ امریکا توں سعودی عرب منتقل تھیا ۔انہاں 55 سال سعودی عرب وچ گذارے۔ ایں دوران الحمراء شہر وچ انہاں دا ہک دینی دعوت وارشاد مرکز وچ وی آونڑ ونجنڑ رہیا۔ انہاں اسلامی تعلیمات داباریک بینی نال مطالعہ جاری رکھیا۔ آخر کار سیرت النبی اتے اسلام دے اخلاق حسنہ توں متاثر تھی تے ایں نے اسلام قبول کرنڑدا فیصلہ کیتا ۔