نیوجرسی (پاکستان نیوز پوائنٹ 24نومبر2016ء) امریکی حکومت ولوں ریاست نیوجرسی دے ہک قصبے دی انتظامیہ دے خلاف مسلماناں دے نال امتیازی سلوک روا رکھنڑ، مقامی اسلامک سوسائٹی کوں مسیت بنڑاونڑ توں روکنڑ دے الزام وچ عدالت وچ دعویٰ دائر کیتا ہے۔نیوجرسی دی نیوآرک فیڈرل کورٹ وچ دائر کیتی گئی درخواست وچ موقف اختیار کیتا گئے جو برنارڈز قصبے دی پلاننگ کمیٹی ولوں مسیت بنڑوانڑ سانگے ایجھی ناقابل قبول شرطاںپیش کیتیاں ہن جیرھیاں جو کہیں وی صورت وچ جمہوری معاشرے دی عکاسی کائنی کریندیاں ہن۔
مسیت بنڑوانڑ دے خواہشمند مقامی مسلمان ولوں وی انہاں شرطاں کوںمسترد کرڈتا گئے۔امریکی وزارت انصاف ولوں دائر کیتے گئے دعویٰ وچ آکھیا ہے جو نیوجرسی دے قصبے دی مقامی انتظامیہ ولوں سخت شرطاں محض ہک بہانہ ہے۔ دراصل انہاں شرطاں دے پیچھوں مسلماناں دے نال نفرت دا برملا اظہار تھیندا پئے۔
