واشنگٹن(پاکستان نیوز پوائنٹ 24نومبر2016ء) امریکا دے نویںمنتخب صدر ڈونلڈ ٹرمپ اعلان کیتا ہے جو عہدہ صدارت سانبدے ای اوہ امریکا کو ںٹرانس پیسیفک معاہدے توں باہر کڈھ گھنسن۔امریکا دے نو منتخب صدر ڈونلڈ ٹرمپ ٹرانس پیسیفک معاہدے کو ںامریکا سانگے ہک المیہ قرارڈیندے ہوئیں آکھیا ہے جو انہاں دی کوشش ہوسی جو ا وہ منصفانہ اتے ڈوطرفہ تجارتی معاہدیاں بارے وچ مذاکرات شروع کریسن تاں جو امریکا وچ روزگار دے مواقع فراہم کیتے ونج جا سگسن۔
ڈونلڈ ٹرمپ آکھیا جو انہاں انتقال اقتدار سانگے مقررکیتی گئی اپنڑی ٹیم کوں آکھیا ہے جو ا وہ مختلف میداناں منجملہ تجارت ، تارکین وطن دے معاملیاں اتے سکیورٹی دے مسائل توں متعلق ترجیحات دی فہرست تیار کرن تاں جونویںحکومت دے آندے ای ایں سلسلے وچ اقدامات کیتے ونجنڑ۔ انہاں آکھیا جو غیر قنونی تارکین وطن کوں امریکا توں کڈھنڑ وی انہاں دی ترجیحات وچ شامل ہو سی ۔ٹرمپ دعوی کیتا جو ا وہ ملک وچ روزگار دے مواقع فراہم کرنڑ سانگے ٹھوس اقدامات کریسن۔
