نویں برطانوی وزیر اعظم تھریسا مے دا دورہ جرمنی

برلن (پاکستان پوائنٹ نیوز۔21 جولائی۔2016) برطانیہ دی نویں وزیر اعظم تھریسا مے اپنڑاں سرکاری غیر ملکی دورہ جرمنی دا کیتا ہے۔ انہاں برلن اچ جرمن چانسلر انگیلا میرکل نال ملاقات کیتی۔ ایں موقع تے میرکل داآکھنڑ ہا جو ایں گالھ تے آمادہ ہن جو برطانیہ یورپی یونین توں نکلنڑ سانگے مناسب وقت ڈتا ونجے ۔تھریسامے دے مطابق برطانیہ دے ایں مقصد سانگے یورپی یونین دے منشور دے آرٹیکل 50تے کاروائی اجوکے سال دے چھیکڑ تئیں شروع کرنڑ دا ارادہ رکھیندا ہے ۔انہاں جرمنی تے بئے یورپی ملکاں دے نال چنگے تعلقات بحال رکھنڑ دا عزم ظاہر کیتا ہے