واشنگٹن(پاکستان نیوز پوائنٹ 12نومبر2016ء) امریکی صدر براک اوباما آپنڑیں آخری بیرونی دوریاں اُتے بہوں جلدی روانہ تھیسن۔ امریکا دی قومی سلامتی دے معاون مشیر بین رہوڈز میڈیا کو ں ڈسایا جو ساریاں توں پہلے ، صدر اوباما یونان ویسن ، جتھاں او پارتھنون دا دورہ کریسن اتے ایتھنز اچ عالمگیریت دے چیلنجاں اُتے اہم تقریر کریسن۔ اتھوں اوباما جرمنی کیتے روانہ تھیسن ، جتھاں او خمیس کوں چانسلر اینجلا مرکل نال ڈوطرفہ امور اُتے ملاقات اتے مشترکہ اخباری کانفرنس کریسن۔
برلن اچ ، او برطانیہ اتے فرانس دے رہنماواں نال وی ملاقات کریسن۔ برلن توں او لیما ویسن ، جتھوں او پیرو اچ ایشیا پیسیفک معاشی تعاون (اے پی اِی سی) دے سربراہ اجلاس اچ شریک تھیسن۔ سربراہ اجلاس دے احاطے توں باہر، ہفتے کوں اوباما چینی صدر شی جن پنگ نال ڈو طرفہ امور اُتے ملاقات کریسن، جڈانجو اتوار کوں آسٹریلیا دے وزیر اعظم مالکم ٹرن بْل نال ملسن۔
