کابل (پاکستان نیوز پوائنٹ 12نومبر2016ء) افغانستان اچ طالبان مزار شریف اچ جرمن قونصل خانے دے نیڑے تھیونڑآلے حملے دی ذمہ داری قبول کرگھدی ہے ۔ میڈیا رپورٹاں دے مطابق مزار شریف اچ جرمن قونصل خانے دے باہر بارود نال لڈے ہوئے ہک ٹر ک کوں دھماکے نال اڈاڈتا گیا ہئی جئیں پاروں 2 بندے ہلاک اتے 32 زخمی تھی گئے ۔ ڈوجھے پاسے مزار شریف ہسپتال دے عہدیدار نور محمد فائز ڈسایا جو 4 لاشاں اتے 120 زخمیاں کوں ہسپتال گھن آیا گیا۔
انہاں آکھیا جو زخمیاں اچوں بہوں ساریاں دی حالت حالت تشویشناک ہے۔ میڈیا رپورٹس دے مطابق طالبان دے ترجمان ذبیح اللہ مجاہد دھماکے دی ذمہ قبول کرگھدی ہے ۔ انہاں دعوی کیتا جو اے حملہ قندوز دے نیڑے ہک دیہات اُتے نیٹو دے فضائی حملے دا انتقام ہے جیندے اچ 30 توں ودھ افراد مارے گئے ہن ۔ اقوام متحدہ دے مطابق ایں سال دے دوران افغانستان اچ عام شہریاں دیاں ہلاکتاں اچ 42 فیصد ودھارا تھئے ۔ امریکی فوج اتے طالبان دے حملیاں کوں افغان شہریاں دیاں ہلاکتاں اچ ودھارے دی وجہ قرارڈتا گئے ۔
