امریکی آئل مارکیٹ اچ خام تیل دے نرخاں اچ ترائے فیصد توں ودھ گھٹکی

نیویارک (پاکستان نیوز پوائنٹ 12نومبر2016ء) امریکی آئل مارکیٹ اچ خام تیل دے نرخاں اچ ترائے فیصد توں ودھ گھٹکی تھئی ، جیندی وجہ عالمی منڈی اچ تیل دی ترسیل اچ ودھارا ہے ، ویسٹ ٹیکساس انٹرمیڈیٹ دے نرخ 1.51 ڈالر (3.4 فیصد) ڈھاونڑ دے بعد 43.14 ڈالر فی بیرل ریہے۔برنٹ نارتھ سی کروڈ دے سودے وقفے توں پہلے 1.50 ڈالر (3.27 فیصد ) ڈھاونڑ دے بعد 44.34 ڈالر فی بیرل طے پاتے گئے ۔ اوپیک ملکاں ولوں جاری اجوکی رپورٹ دے مطابق گزریل مہینے تیل دی پیداوار 2,40,000 بیرل ودھارے نال 33.64 ملین بیرل یومیہ رہی۔