افغان سیکیورٹی فوج دا ملک دے مختلف حصیں وچ کارروائیاں دے دوران 34طالبان کوں ہلاک کرنڑ دا دعویٰ

کابل (پاکستان نیوز پوائنٹ 10نومبر2016ء) افغان سیکیورٹی افواج ملک دے مختلف حصیں وچ کارروائیاں دے دوران 34طالبان کوں ہلاک کرنڑ دا دعویٰ کیتاہے۔افغان میڈیادے مطابق گورنر ہلمنددے ترجمان ڈسایا جو صوبے دے مختلف علاقیاں وچ جھڑپاں وچ 14طالبان ہلاک اتے7زخمی تھی گئے۔انہاں دسایا جو عسکریت پسنداں دے خلاف صوبے وچ کارروائیاں جاری ہن۔ننگرہار اتے کپیسہ وچ مختلف واقعات وچ3طالبان ہلاک جڈانجو 16کوں حراست وچ گھدا گئے ۔غزنی وچ تشدد دے واقعات وچ 10طالبان اتے5پولیس اہلکار ہلاک تھی گئے۔افغان فوج دے ترجمان ڈسایا جو کارروائیاں وچ 5عسکریت پسند زخمی تھئے ہن۔صوبہ غور وچ تشدد دے واقعات وچ 7عسکریت پسند ہلاک تھی گئے۔