سعودی ہواباز قاہرہ ایئرپورٹ کوںتباہی توں بچا گھدا

سعودی ہواباز قاہرہ ایئرپورٹ کوںتباہی توں بچا گھدا

قاہرہ(پاکستان نیوز پوائنٹ 4 نومبر2016ء) سعودی مسافرطیارے دے پائلٹ قاہرہ دے بین الاقوامی ہوائی اڈے کو ںتباہی اتے جہاز اچ سوار 106 مسافراں تے عملے دے ارکان کوں موت دے منہ توں بچا گھدا۔بدھ دی سویل قاہرہ دے ہوائی اڈے دے حکام سعودی عرب توں آونڑ آلے مسافر طیارے اچ فنی خرابی دی اطلاع تے ہنگامی حالت دا اعلان کر ڈتا ۔سعودی فضائی کمپنی دی پرواز 321 دے کپتان ولوں کنٹرول ٹاور کوں اطلاع ڈتی گی جو ہنگامی لینڈنگ سانگے ضروری اقدامات کیتے ونجن کیوں جو جہاز دے بریک دا خصوصی نظام معطل تھی گیا ہے۔

ایندے وختی بعد لازمی اقدامات پورے کیتے گے اتے فائر برگیڈ اتے ایمولینس دیاں گاڈیاں رن وے دے آسے پاسے کھنڈ گیاں ۔ذریعے مزید ڈسایا جو سعودی ہواباز طیارے کوںحفاظت نال لہاونڑ اچ کامیاب تھی گیا تے 106مسافراں کوں طیارے توں لہا تے باہرلے ملک آمد دے لاﺅنج نمبر 3تے پجا ڈتا گیا ۔بعد اچ تکنیکی ماہرین دی ٹیم کوں طیارے دے معائنے دے مرمت سانگے سڈیا گیا تاں جو طیارہ دمام شہر واپسی دے قابل تھی سگے ۔