امریکی صدارتی انتخابات، مسلمان ووٹراں دی کل تعداد 10 لکھ

امریکی صدارتی انتخابات، مسلمان ووٹراں دی کل تعداد 10 لکھ

واشنگٹن (پاکستان نیوز پوائنٹ 4 نومبر2016ء) امریکا اچ اٹھ نومبر کوں تھیونڑ آلے صدارتی انتخابات سانگے 10 لکھ توں ودھ امریکی مسلمان ووٹراں دے ناں درج ہن ۔انہاں دے ووٹ دا ایجھا ریاستاں تے اثر تھی سگدا ہے جھتاں او وڈی تعداد اچ رہندے پن ۔امریکی میڈیا دے مطابق مسلماناں دے وکیلاں ڈسایا جو انہاں علاقیں اچ جتھاں سخت مقابلہ ہے ،ووٹر ودھ سرگرم ڈکھائی ڈیندے ہن ۔

یو ایس کونسل آف مسلم آرگنائزیشن جیرھی جو مسلماناں دی تائید کرنڑ آلی ڈو درجن تنظیماں دا مجموعہ ہے ۔ڈسایا ہے جو انہاں ولوں ہک سال تئیں ون ملین ووٹرز دا نعرہ لاتا گیا جیں مہم دے دوران مقررہ ہدف توں ودھ ووٹراں دے نال درج کیتے گے ہن اتے سال 2012دے صدارتی انتخابات دے مقابلے اچ مسلمان ووٹراں دی تعداد ڈبل تھی گی ہے ۔گروپ دے سیکر ٹری جنرل اسامہ جمال آکھیا ہے جو اساں سمجھدے ہوں جو 10لکھ دے ہدف توں اگی تے ودھ گیوں ،اساں مسیتاں سکول تے کمیونٹی دیاں تقریباں اچ برادری کوں متحرک کرنڑ دی مہم چلیندے رہ گیوں ،ایہا وجہ ہے جو اساں کامیابی حاصل کیتی ہے ۔

واشنگٹن میں قائم تنظیم کونسل آن امریکن اسلامک رلیشنز (کیئر) رائے عامہ دی ہک جائزہ رپورٹ بنڑائی ہے جیں اچ ڈسایا گیا ہے جو مسلمان امریکی ووٹراں اچ 86 فی صد دے ناں درج تھی گے ہن ۔ہک ملین ووٹرز دی مہم دا آغاز گزریل دسمبر اچ کیتا گیا جڈاں ری پبلکن امیدوار ڈونلڈ ٹرمپ تارکین وطن مسلماناں دی امریکہ اچ آمد تے بندش دا مطالبہ کیتا۔جیں دے نتیجے اچ پورے ملک اچ ودھ مسلماناں اچ ہک ڈر دی لہر کھنڈ گی ۔’پیو رسرچ سینٹر‘ دے مطابق، امریکہ اچ رہنڑ آلے مسلماناں دی کل تعداد33 لکھ ہے، جیرھا جو امریکی آبادی دا ہک فیصد ہے تقریباً 15 لکھ مسلمان ووٹ ڈیونڑ دے اہل ہن۔