طرابلس (پاکستان پوائنٹ نیوز12دسمبر 2018ء) لیبیا اچ جاری ہفتے ہک نویں مہم سامنڑے آئی ہے جیندے اچ مقتول لیڈر کرنل معمر قذافی دے پتر سیف الاسلام کو ںملک دا صدر بناونڑ دی حمایت کیتی ویندی پی ہے۔ العربیہ ٹی وی مطابق سابق قذافی حکومت دے حامیاں ولوں شروع کیتی گی ایں مہم اچ سیف الاسلام کو ںمارچ 2019ءاچ تھیونڑ آلے صدارتی انتخابات اچ حصہ گھنڑ دی حمایت کیتی ویندی پی ہے۔
اس کیساتھ ساتھ لیبیا اچ سیف الاسلام تے لاتی گی سیاسی پابندیاں مکاونڑ اتے قبائلی سردار دی حیثیت نال ملک دے سیاسی عمل اچ حصہ گھنڑ دامطالبہ وی ور پکڑیندا پئے۔ اساں تساکوں نامزد کیتے دے عنوان نال جاری ایں مہم اچ معمر القذافی دے حامی شامل ہن۔ ملک دے عوامی اتے سیاسی حلقیاں اچ ا یہ بحث وی چلدی پی ہے جو ملک جیرھا بحران توں گذر دا پئے ایندا حل صدارتی الیکشن اتے قذافی خاندان دی اقتدار اچ باوقار واپسی اچ ہے۔ واضح رہوے جو سیف الاسلام القذافی جون 2017ءکو ںجیل توںرہاتھیونڑ دے بعد منظر تے نی آئے اتے نہ ہی انہاں آندے سال تھیونڑ آلے صدارتی انتخابات اچ امیدوار بنڑن دا اعلان کیتے۔
