واشنگٹن (پاکستان پوائنٹ نیوز11دسمبر 2018ء) امریکی صدر ٹرمپ آکھیے جو اداکارہ اتے ماڈل کوں چپ رہونڑ دے بدل رقم ڈیونڑدا معاملہ غلط طریقے نال اچھالاگئے۔امریکی نشریاتی ادارے مطابق صدر ٹرمپ اپنڑیں ہک ٹویٹ اچ آکھیے جو انہاں دی سابق اٹارنی مائیکل کوہن ولوں اداکارہ سٹارمی ڈینیئل اتے ماڈل مک ڈوگل دے معاملیاں اچ ڈتی گی رقم ہک سادہ جیا لین دین ہا، جینکوں مخالف ڈیموکریٹ پارٹی اتے پراسیکیوٹرز غلط طریقے نال پیش کیتے۔
انہاں دا آکھنڑ ہا جو اگر انج ہا تاںا یہ وی ہک سول کیس ہااگر ایندا موازنہ ڈیموکریٹک پارٹی دے براک اوباما دی 2008 ءدی انتخابی مہم نال منسلک مالی خلاف ورزیاں نال کیتا ونجے تاں۔لیکن صدر ٹرمپ آکھیا جواداکارہ سٹورمی ڈینیئل اتے ماڈل مک ڈوگل دے حوالے نال وکیل ٹھیک اقدام کیتا ہا۔ اگر اوں نے کوئی غلطی کیتی ہے تا ایندی ذمہ داری وکیل تے آندی ہے میڈے تے نی آندی۔
انہاں آکھیا جو کوہن صرف اپنڑیں سزا توں بچنڑ دی کوشش سانگے انہاں تے الزام لیندا پئے۔واضح رہوے جو صدر ٹرمپ اپنڑے سابق وکیل کوہن بارے اوں تبصرے دے بعد سامنڑے آئے ہن جڈا ںجمعہ کوں وفاقی پراسیکیوٹرز آکھیا ہا جو ٹرمپ دے وکیل انہاں دی ہدایت اتے مدد دے نال ، جیرھا ایں ویلھا ہک صدارتی امیدوار ہن، 2016ءدے الیکشن دے فوری پہلے بہوں وڈی رقم چپ کر تے ادا بھری ہائی۔
