ویانا (پاکستان پوائنٹ نیوز 04 دسمبر 2018ء) اوپیک دے رکن ملکاں اتے بئے تیل پیدا کرنڑ آلے ملکاںدا اجلاس جاری ہفتے آسٹریا دے دارالحکومت ویانا اچ تھیسی جیندے اچ تیل دی پیداوار گھٹ کرنڑ بارے تبادلہ خیال کیتا ویسی۔ایہ سارے ملک امریکا اتے تیل دیاں گھٹ تھیندیاں قیمتاں وچال پھس گئے ہن، ہک پاسے انھاں تیل دیاں قیمتاں پاروں آمدن اچ گھٹکی دا سامنڑاںہے ڈوجھا پاسے امریکا پٹرولیم مصنوعات دی قیمت گھٹ رکھنڑ سانگے دباﺅ پیندا پئے۔
ذرائع ابلاغ مطابق کجھ ڈینھ پہلے ارجنٹائن دے دارالحکومت بیونس آئرس اچ ترقی یافتہ ملکاں دے گروپ جی 20 دی سربراہ کانفرنس دے موقع تے روسی صدر ولادیمیر پیوٹن اتے سعودی عرب دے ولی عہد شہزادہ محمد بن سلمان ہک ملاقات دے بعد ڈسایا جو ا وہ تیل دی پیداوار گھٹ کرنڑ سانگے پیداواری معاہدے دی تشکیل نو کریندے پن جیندے اتے آندے سال توں عمل تھیسی۔ڈوہائیں ملکاں دے وزرائے توانائی کو ں خمیس اتے جمعہ آلے ڈینھ تھیونڑ آلے اجلاساں وچال بئے ملکاں کوں اپنڑے نال رلاونڑ سانگے سخت محنت کرنڑ پوسی ۔
اگر تیل پیدا کرنڑ آلے وپیک ارکاناںیا بئے مجموعی طور تے 20 ملکاں جنہاں دی پیداوار کل عالمی پیداوار دی ادھ توں ودھ ہوئے پیداوار اچ کمی گھٹکی دے نویں معاہدے دا حصہ نی بنڑدے تاںبین الاقوامی مارکیٹ اچ تیل دیاں قیمتاں اچ گھٹکی دا سلسلہ جاری راہسی۔خام تیل دی قیمت گزریل ڈو مہینے دوران پہلے توں ہی 30 فیصد توں ودھ گھٹ تھی گی ہے اتے برنٹ نارتھ کروڈ دی موجودہ قیمت 60 ڈالر فی بیرل دے نیڑے ہی ہے۔ڈوجھا پاسے تیل پیداکرنڑ آلے ملک اگر پیداوار اچ گھٹکی کریندے ہن تاں ایندے نال عالمی معیشت وی متاثر تھی سگدی ہے،اینکوںشرح نمو سانگے تیل دی قیمت مناسب سطح تے رکھنڑ دی ضرورت ہے۔
