ریاض (پاکستان پوائنٹ نیوز 03 دسمبر 2018ء) باغیاں دے زیر کنٹرول یمنی دارالحکومت صنعا توں 50 زخمی حوثی باغیاں کوں اقوام متحدہ دے چارٹر جہاز دے ذریعے مسقط منتقل کیتا ویسی۔ ایہ گالھ سعودی خبر رساں ادارے سعودی قیادت اچ یمن اچ کارروائیاں کرنڑ آلے فوجی اتحاد دے ترجمان دے حوالے نال ڈسائی ۔ ترجمان مطابق انہاں زخمیاں دے کٹھے ترائے یمنی اتے ہک اقوام متحدہ دا ڈاکٹر وی ہوسی۔
ایہ اقدام یمن اچ امن دے قیام سانگے سویڈن اچ تھیونڑ آلے مذاکرات دے موقع تے کیتا گئے۔مذاکرات اچ زخمی حوثی باغیاں دا مسئلہ وڈی رکاوٹ ہائی۔سعودی قیادت اچ فوجی اتحاد انہاں قیدیاں دی منتقلی دی اجازت اقوام متحدہ دے ایلچی مارٹن گرفتھس دی درخواست تے انسانی ہمدری دی بنیاد اتے اعتماد سازی دے اقدام دے طور تے ڈتی ہے۔حوثی باغیاں دے رہنماواں ایں توں پہلے ہک بیان ڈتا ہا جو ا وہ انہاں زخمیاں دے علاج معالجے دے بعد اپنڑے گھراں کوں واپسی دی اجازت ڈیونڑ دی صورت اچ سویڈن مذاکرات اچ حصہ گھنسن۔یمن دی سعودی حمایت یافتہ حکومت پہلے توں ہی انہاں مذاکرات اچ حصہ گھنڑ تے آمادگی دا اظہار کر چکی ہے۔
