سعودی عرب یونیسکواچ استاداں دی بین الاقوامی ٹیم دا سربراہ منتخب

ریاض (پاکستان پوائنٹ نیوز 03 دسمبر 2018ء) سعودی عرب کوں یونیسکو اچ استاداں دی بین الاقوامی ٹیم دا سربراہ مقرر کر ڈتا گئے ۔ سعودی وزارت تعلیم ولوں جاری کیتے گئے بیان اچ ڈسایا گئے جو استاداں دی بین الاقوامی ٹیم 58 ملکاں ، 19 نیم سرکاری ، 19 این جی اوز اتے 8 نجی اداریاں دی تنظیماں دے 131 ممبراں تے مشتمل ہے۔ کمیٹی دے ارکاناں دا انتخاب ووٹنگ دے ذریعے تھیا۔ ٹیم دا مقصد 2030 ءتئیں پائیدار بنیادیں تے تعلیم کوں فروغ ڈیونڑ ہے۔ سعودی وزارت تعلیم یونیسکو دے نال 3 نومبر 2015ءکوں طے تھیونڑ آلے معاہدے تحت تعلیم دے شعبے اچ معیار دے ریجنل سینٹر دا نمائندہ ہے۔