ترکی ، ڈو مختلف واقعات وچ 10 سکیورٹی اہلکار جاں بحق

انقرہ(پاکستان نیوز پوائنٹ 27ستمبر 2016ء) ترکی وچ تشدد دے ڈو مختلف واقعات وچ سلامتی دے اداریاں دے 10 اہلکار مارے گئے ۔ جرمن ذرائع ابلاغ دے مطابق جنوب مشرقی صوبے ماردین وچ سٹرک دے کنارے نصب بمب پھٹنڑ نال 4 فوجی جاں بحق اتے 7 زخمی تھی گئے۔ ڈوجھا واقعہ سرناک صوبے وچ پیش آیا ،جیندے وچ ہک جھڑپ دے دوران 6 ترک فوجی مارے گئے۔ انہاں ڈوہائیں واقعات دی ذمے داری کالعدم کردستان ورکرز پارٹی تے عائد کیتی گئی ہے۔واضح رہوے جو کرد باغیاں اتے ترک حکومت وچال فائر بندی دا معاہدہ گزریل سال ای مک گیا ہا۔