تہران(پاکستان پوائنٹ نیوز 21 مئی 2018ء) ایران آکھے جو ایٹمی معاہدے دے علاوہ کہیں بئے مسئلے تے کوئی گالھ بات کائناں تھیسی ۔ایرانی خبر رساں ادارے مطابق وزارت خارجہ دے ترجمان بہرام قاسمی نویں ایٹمی معاہدے کوں منڑ توں متعلق ایران کوں نواں پیکج پیش کیتے ونجنڑ بارے اچ کجھ غیر ملکی ذرائع ابلاغ دیاں خبراں دا ذکر کریندے ہوئیں آکھے جو ایجھی خبراں دی کوئی بنیادکائنی ہے اتے عالمی فتنہ کھنڈاونڑ آلے تے ایرانی قوم دے دشمن، ایران اتے ایٹمی معاہدے دے بئے فریقاں وچا مذاکرات کوں رستے توں ہٹاونڑ اتے منفی ماحول بناونڑ دی کوشش کر یندے پن۔
انھاں آکھیا جو ایٹمی معاہدے توں امریکا دے انج تھیونڑ دے بعد ایںبین الاقوامی معاہدے اچ ایران دے باقی رہونڑ بارے بئے فریقاں دی درخواست تے ایران اعلان کیتے جو ایٹمی معاہدے دے بئے فریق ملک، اگر ایں معاہدے دی مکمل پابندی کریندن تاں معاہدہ باقی رہ سگدے اتے ایندے علاوہ چاتے گئے بئے سارے مسئلے بے بنیاد ہن۔بہرام قاسمی آکھیا جوسانجھے کمیشن دے پہلے اجلاس اچ وی جیرھی جوایران دی تجویز ہائی آندے بنڑن آلا ہے۔ ایران اتے ایٹمی معاہدے دے بئے فریقاں وچال صرف ایٹمی معاہدے توں متعلق ہی گالھ بات تھیسی ۔
