لکھاں زائرین مدینہ منورہ پج گن

لکھاں زائرین مدینہ منورہ پج گن

مدینہ منورہ (پاکستان پوائنٹ نیوز 18 مئی 2018ء) سعودی عرب دے اندر تے باہر توں لکھاں زائرین مسیت نبوی شریف دی زیارت اتے رمضان شریف 1439ھ دے کجھ ڈینھ گزارنڑ سانگے مدینہ منورہ پج گن ۔ سعودی قاخبار دے مطابق رمضان شریف دے دوران لکھاں زائرین مدینہ منورہ پج گن۔ گورنر مدینہ منورہ شہزادہ فیصل بن سلمان اتے نائب گورنر شہزادہ سعود بن خالدالفیصل ، زائرین دے آرام تے راحت اتے سکون تے اطمینان سانگے مطلوب انتظامات دی نگرانی بذات خود کریندے پن۔

گورنر مدینہ منورہ دے حکم تے مسیت نبوی شریف اچ زائرین سانگے آمدورفت دے نظام ، امن و امان، صحت و عافیت اتے کھاونر پیونڑ دامعقول بندوبست کیتا گے ۔ مسیت نبوی شریف دی انتظامیہ صفائی ستھرائی ، اصلاح تے مرمت ، آب زم زم دی فراہمی ، قالین ، کار پارکنگ اتے راہداریاں کوں منظم کرنڑ تے دروازیں تے محافظاںدی تقرری سمیت سارے تدبیر کریندی پئی اے۔ مدینہ منورہ میونسپلٹی زائرین دے حوالے نال ریسٹوراناں تے ہوٹلاں دے انتظامات تے نظر رکھی ہوئی اے ۔