کانگو، سکیورٹی فورسز اتے ملیشیا گروپ وچال جھڑپاں وچ 28 بندے ہلاک

کنساشا (پاکستان نیوز پوائنٹ 26ستمبر 2016ء) وسطی کانگو وچ سکیورٹی فورسز اتے ملیشیا گروپ دے جنگجوواں وچال جاری جھڑپاں وچ 28 بندے ہلاک تھی گئے ۔جرمن ذرائع ابلاغ دے مطابق کانگو دی حکومت ہک بیان وچ آکھیا ہے جو ہلاک تھیونڑ آلیاں وچ 8 سکیورٹی اہلکار، 14 جنگجو اتے ترائے بالاں سمیت 6 عام شہری وی شامل ہن۔ واضح رہوے جو اگست وچ پولیس دے ہتھوں مارے ونجنڑ آلے مسلح گروپ دے رہنما کاموینا نساپو دی ہلاکت دے تناظر وچ ایں مسلح گروپ ہک مقامی دیہات تے حملہ کیتا ہا۔ پولیس دا آکھنڑ ہے جو جوابی کارروائی وچ 50 توں ودھ عسکریت پسند حراست وچ گھن گھدے گن ۔