افطاری تیا ر کرنڑ ویلھے بجلی اتے تیل دا استعمال احتیاط نال کرن، سعودی محکمہ شہری دفاع

افطاری تیا ر کرنڑ ویلھے بجلی اتے تیل دا استعمال احتیاط نال کرن، سعودی محکمہ شہری دفاع

ریاض (پاکستان پوائنٹ نیوز 17 مئی 2018ء) سعودی محکمہ شہری دفاع رمضان شریف دے دوران باورچی خانیں اچ پیش آونڑ آلے واقعات تے خطرے بارے ڈسیندے ہوئیں سارے شہریاں تے غیر ملکی لوکاں کوں آکیے جو او افطاری تیاری کریندے ویلھے بجلی تے تیل دا استعمال احتیاط نال کرن ۔سعودی اخبار دے مطابق محکمہ شہری دفاع ولوں جاری خصوصی ہدایات اچ آکھیا گے جو افطاری سانگے کھاونڑ پیونڑ دیاں چیزاں تلیندے ہوئیں تیل اچ بھاہ لگ ویندی اے تے حد توں ودھ بجلی دے استعمال نال گھراں اچ بھاہ لگنڑ دے واقعات تھیندن ایں سانگے شہریاں کوں چاہیدے جو او بجلی تے تیل دے استعمال اچ احتیاط نال کم گھندے ہوئیں تریمتیں تے ملازم گرم تیل توں فاصلہ رکھن ۔

انہاں آکھیا گیس سلنڈر تے بجلی دی وائرنگ دے حوالے نال اطمینان حاصل کرن تے بھاہ لگنڑ دے خطرے توں بچنڑ سانگے کھاونڑ پیونڑ دیاں چیزاں الیکٹرانک آلات قاعدے قرینے نال استعمال کرن ۔