نیویارک (پاکستان پوائنٹ نیوز 17 مئی 2018ء) پاکستان فلسطینیاں دی ودھ ساری حمایت دے عزم د ا اعادہ کریندے ہوئیں غزہ اچ فلسطینیاں تے اسرائیل دے اجوکے تشدد دی مذمت کیتے ونجنڑ دا بیان جاری کرنڑ اچ ناکامی کوں افسوسناک قرار ڈتاجیرھا جو امریکی سفارتخاتے دی مقبوضہ بیت المقدس منتقلی تے احتجاج کر یندے پن ۔ اقوام متحدہ اچ پاکستان دی مستقل مندوب ملیحہ لودھی اسلامی تعاون تنظیم ( او آئی سی ) دے رکن ملکاں دے سفیراں دے ہنگامی اجلاس نال خطاب کریندے ہوئیں ایں المناک تشدد دے واقعے تے یورپی دنیا ٹی وی دیاں سیکریناں ڈٹھا تے بین الاقوامی برادری دے سامنڑے فلسطینیاں تے بہیمانہ فائرنگ دا اے واقعہ تھیا جڈاں جو سلامتی کونسل امریکہ دی مخالفت پاروں اسرائیل دی مذمت دا بیان تئیں جاری نہ کر سگی ۔
او آئی سی دے رکن ملکاں دے سفیراں دا اے ہنگامی اجلاس ترکی دی درخواست تے بنگلہ دیش سڈیے۔ بنگلہ دیش انہاں ڈینہاں او آئی سی دے وزیراں دی کونسل دا سربراہ اے ۔ پاکستانی مستقل مندوب فلسطین دے صدر محمود عباس ولوں ایں سال امن کانفرنس سڈیے ونجنڑ دے مطالبے دی حمایت کیتی ۔ انہاں آکھیا مقبوضہ بیت المقدس اچ سفارتخانہ دی منتقلی بین الاقوامی قانون اتے اقوام متحدہ دے منشور دی کھلم کھلا خلاف ورزی اے کیوں جو مقبوضہ علاقے اچ جبر اتے ظلم دے ذریعے سفارتخانہ منتقل نی کیتا ونج سگدا ۔ واضح رہے جو اسرئیل سنوار دے ڈینھ امریکی سفارتخانے دی مقبوضہ بیت المقدس اچ منتقلی تے احتجاج کرنڑ آلے فلسطینیاں تے شدید فائرنگ کیتی جیں نال 60 فلسطینی شہید اتے 2ہزارست سو زخمی تھی گن ۔
