خرطوم (پاکستان پوائنٹ نیوز 16 مئی 2018ء) سوڈان دی ہک عدالت دے حکم تے پیو دی مرضی دے بغیر شادی کرنڑ تے ہک چھوہر ی کوں 6 مہینے قید تے بعد 75کوڑے مارنڑ دی سزا ڈتی گی اے ۔خبررساں ادارے دے مطابق دار فرصوبے نال تعلق رکھنڑ آلی چھوہر کوں جیل تے ام درمان پولیس سینٹر لاتا گیا ایں دوران وکیل ،اہل خانہ تے انسانی حقوق دے مندوبین دے سامنڑے 75کوڑے ماریے گن ۔
چھوہر دی وکیل عزہ محمد احمد فرانسیسی خبر رساں ادارے کوں ڈسایا جو ایندی موکلہ کوں پسند دی شادی کرنڑ تے پہلے چھی مہینے دی سزا ڈتی گی اے جیرھی اوں پوری کیتی ایندے بعد اینکوں 75کوڑے ماریے گن ۔عزہ دے مطابق تریمت کوں اپنڑی مرضی دی شادی کرنڑ تے ایندے والد دی درخواست تے سزا ڈتی گی اے ۔ والدولوں عدالت اچ درخواست ڈتی جو ایندی دھی مرضی نال ہک بندے نال شادی کیتی اے جیرھا جو ایندے بقول غیر شرعی اے ۔تریمت دے پئے کوں وی عدالت ڈو سال ڈھک ڈتے او جیل اچ بند اے ۔ڈوجھے پاسے انسانی حقو ق خاص طور تے حقوق نسواں سانگے کم کرنڑ آلے اداریں سوڈانی تریمت کوں پسند کرنڑ تے ڈتی گی سزا دی ودھ ساری مذمت کریندے ہوئیں اینکوں غیر انسانی قرار ڈتے ۔
