تہران (پاکستان پوائنٹ نیوز 16 مئی 2018ء) ایران اچ بنیادی خلیں دے پیداوار متعلق مغربی ایشیا دے پہلے کارخانے دا افتتاح تھی گے ۔ایرانی خبر رساں ادارے دے مطابق تہران اچ ایں کارخانے دا افتتاح ایجھے موقع تے تھے جڈاں صرف امریکا اتے جاپان جیہوجے کجھ ملک ہی بنیاد ی خلیں دی پیداوار دی ٹیکنالوجی رکھیندے ہن ۔ایں کارخانے اچ تیار کیتیاں ونجنڑ آلیاں دوائیں ،مریض دے بنیاد ی خلیں توں استفادے ، سیل کلچر اتے قرنطینہ اچ اے جیرھا جو خلیں دا کلچر پورا تھیونڑ دے بعد انہاں کوں مریض دے جسم اچ منتقل کر ڈتا ویندے ۔
ایں کارخانے اچ تیار کیتیاں ونجنڑ آلیں دوائیں ارتھروز، دل اتے جلددیاں بیماریاں دے علاج اچ کم آندیاںہن۔کارخانے دی افتتاحی تقریب دے موقع تے ایران دے نائب صدر اسحاق جہانگیری ایران دے خلاف پابندیاں لاونڑ دی امریکی کوشش دے پاسے اشارہ کریندے ہوئیں آکھیے جو امریکہ دا اے تصورجو پابندیاں دے ذریعے ایران کوں طبی وسائل تے دوائیاں دی سپلائی روکی ونج سگدی اے ، ایرانی قوم دی صلاحیت بارے ایں عدم واقفیت دا نتیجہ اے۔ایران دے وزیر صحت آکھیے جو بنیادی خلیں دے شعبے اچ ایران دا دنیا اچ 15واں اتے علاقے اچ پہلا مقام اے۔
