تل ابیب (پاکستان نیوزپوائنٹ 12 مئی 2018ء) اسرائیل دے وزیر جنگ لیبرمین اسرائیل دے فضائی تے میزائل حملیں دے مقابلے اچ شامی فوج دے غیر معمولی ردعمل دے پاسے اشارہ کریندے ہوئیں آکھیے جو موجودہ صورت حال اچ اسرائیل جنگ دے حالات اتے بحرانی صورت حال نال نبڑنڑ دی توانائی کائنی رکھیندا ۔ایران ٹی وی دے مطابق لیبرمین آکھیا جو جوابی اقدامات دے مقابلے اچ اسرائیل اچ اندرلے محاذ کوں مضبوط تے اسرائیلی شہریاں دی حمایت دے حصول سانگے 1 ارب 4 سو ملین ڈالر دی ضرورت اے۔
وزیر جنگ مقبوضہ فلسطین دے شمالی علاقیں تے شامی فوج دے جاری جوابی میزائل حملیں تے ودھ ساری تشویش دااظہار کریندے ہوئیں اجوکے سال دے چھیکڑ تئیں اسرائیل اچ پناہ گاہیں بنڑاونڑ تے اندرلی صورت حال کوں بہتر بنڑاونڑ سانگے کروڑاں ڈالر دے خرچیں دا منصوبہ تیار کر گھدا گے ۔
