مسیت الحرام اچ اعتکاف دیاں درخواستاں 15شعبان توں پیش کرنڑ دی ہدایت ،20رمضان تئیں اعتکاف کارڈ جاری کرڈتے ویسن

مکہ مکرمہ (پاکستان نیوزپوائنٹ 26اپریل 2018ء) حرمین شریفین دی اعلیٰ انتظامیہ مسیت الحرام اچ اعتکاف دے خواہشمنداں کوں 15شعبان تئیں درخواستاں جمع کراونڑ دی ہدایت کر ڈتی ۔سعودی اخبار دے مطابق حرمین شریفین دی انتظامیہ آکھیے جو مسیت الحرام اچ اعتکاف دے خواہشمند لوکاں اپنڑیاں درخواستاں 15 شعبان تئیں جمع کراون ۔ انتظامیہ آکھیے جو ساریاں درخواستاں جنرل پریذیڈنسی دی ویب سائٹ دے ذریعے گھدیاں ویسن ۔ 16رمضان توں 20رمضان تئیں اعتکاف کارڈ جاری کرڈتے ویسن۔ اعتکاف دا سلسلہ 19توں ماہ رمضان دے چھیکڑ تئیں جاری رہ ویسی ۔ انتظامیہ توجہ ڈیوائی اے جو اندراج دا تعلق مرد حضرات نال ہے ۔