عمرے دا ویزہ مک ونجنڑ تے سعودی عرب اچ رہنڑ تے 6 مہینے قید، 50 ہزار ریال جرمانے دی سزا

ریاض (پاکستان نیوزپوائنٹ 16اپریل 2018ء) سعودی عرب دے حکام آکھیے جو عمرے دے ویزے دی معیاد مک ونجنڑ دے بعد ملک اچ غیر قانونی قیام کرنڑ آلیں کوں 50ہزار ریال جرمانہ تے 6مہینے قید دی سزا ڈتی ویسی ۔سعودی عرب دے محکمہ پاسپورٹ دے جاری اعلامیے دے مطابق عمرے دے ویزے تے آونڑ آلیں کوں چاہیدے جو او معیاد مک ونجنڑ دے بعد وطن واپس چلے ونجن ،انہاں کوں اتھاں قیام یا کم کرنڑ دی اجازت کائنی تاں جو ویزے دی مدت دے دوران انہاں کوں مکہ مکرمہ، مدینہ منورہ اتے جدہ ونجنڑ دی اجازت اے البتہ کہیں وی چوتھے شہر ونجنڑ دی اجازت کائنی ۔محکمے اعداد شمار جاری کریندے ہوئیں آکھیے جو اجوکے سال یکم محرم توں 5رجب تئیں 39لکھ 25ہزار 210معتمرین بری ،بحری تے فضائی رستیں توں ارض مقد س آئے ہن ۔