ریاض (پاکستان نیوزپوائنٹ 16اپریل 2018ء) اردن دے شاہ عبداللہ دوئم آکھیے جو بیت المقدس تے فلسطینی، عرب تے مسلماناں دا ابدی حق اے ۔سعودی ذرائع ابلاغ دے مطابق مشرقی شہر ظہران اچ واقع شاہ عبدالعزیز کنونشن سینٹر اچ منعقدہ 29 ویں عرب لیگ اجلاس نال خطاب اچ شاہ عبداللہ آکھیا جو اساں سانجھے عرب اقدامات کوں فعال رکھنڑ تے عرب امن اقدامات تے بین الاقوامی جائز قوانین دی بنیاد تے پائیدار تے جامع امن دی ترجیح دے انتخاب کو ںضروری سمجھدوں ۔
انھاں آکھیا عالم عرب کوں ایں وقت اوکھ اے انہاں تے قابو پاونڑ سانگے اساں بھرا ملک دے حکمراناں دے نال منظم شکل اچ کوششاں کریندے پیوں ۔فلسطین دے امن دے حامی ہوونڑ دے پاسے اشارہ کریندے ہوئیں شاہ عبداللہ آکھیا جو اساں فلسطینی دا ڈو حکومتی حل تے قائم رہنڑ تے شدت پسندی توں پر ہیز کرنڑ تے انہاں دے امن سانگے نا قابل تغیر ارادے دا ثبوت اے۔ ان حالات اچ اساڈا فرض اے جو انہاں دے شانہ بشانہ رہوں تے خود مختار حکومتاں کوں قائم کرتے اپنڑے جائز حقوق تئیں رسائی سانگے انہاں دیاں کوششاں نال تعاون کروں ۔
