واشنگٹن (پاکستان نیوزپوائنٹ 16اپریل 2018ء) امریکی تفتیشی ادارے ایف بی آئی دے سابق سربراہ جیمز کومی آکھیے جو صدر ڈونلڈ ٹرمپ ایجھے بندہ اے جیرھا اخلاقی طور تے امریکا دے صدر رہنڑ دے قابل کائنی تے او تریمتیں کوں گوشت دا لوتھڑا سمجھدے ۔گزریل سا ل ٹرمپ دے ہتھوں اپنڑے عہدے توں بر طرف کرنڑ دے بعد پہلی واری اے بی سی نیوز کوں انٹر ویو ڈیندے ہوئیں جیمز کومی آکھیا جو ٹرمپ ایجھا بندہ ہے جیں ڈے سچ دی کوئی قدر کائنی ۔
انہاں آکھیا میکوں یقین کائنی جو ڈو نلڈ ٹرمپ ذہنی طور تے نا اہل انسان ہن یا او نسیان دے مرض دے ابتدائی مرحلے اچ ہن ۔میڈے خیال اچ او طبی طور تے صدر دے عہدے سانگے نا اہل کائنی ۔میڈا خیال اے جو او اخلاقی طور تے صدر دے عہدے سانگے نا اہل اے ۔انھاں مزید آکھیا جو اساڈے صدر کوں قابل احترام ہوونڑاں چاہیدے تے ان اقدار دا حامل ہوونڑان چاہیدے جو اساڈے ملک دا خاصہ ہن ۔ایندے اچ ساریں توں اہم سچ اے ۔تے صدر ایندے تے پورا کائنی لہندا ۔انٹرویو دے فورا بعد صدر ٹرمپ دا رد عمل وی سامنڑے آئے جیں اچ اوں جیمز کومی تے کوڑ مارنڑ دا الزام لاتے ۔
