ریاض (پاکستان نیوزپوائنٹ 13اپریل 2018ء) سعودی عرب دے فضائی دفاعی نظام یمن توں ماریے گے بیلسٹک میزائل کوں فضا اچ تباہ کر ڈتا ۔ سعودی اخبار دے مطابق سعودی عرب دی سکیورٹی فورسز ولوںجاری بیان اچ آکھیا گے جو مملکت دے فضائی دفاعی نظام یمن توںدارالحکومت ریاض تے ماریا ونجنڑ آلا میزائل جزان دی فضاءاچ ہی تباہ کر ڈتے جیں نال شہر ہک وڈی تباہی توں بچ گے ۔
عرب اتحادی فوج دے ترجمان کرنل ترکی المالکی ہک بیان اچ آکھیے جو سعودی فوج ابہا دے بین الاقوامی ہوائی اڈے دے پاسوں آونڑ آلی ہک نا معلوم چیز دا پتہ لیندے ہوئیں اینکوں مار ڈھائے ۔ ترجمان دے مطابق اتحادی فوج دے ماہرین ایندے ملبے دے تجزیے دے بعد ڈسائے جو اے ایرانی ساختہ خصوصیات دا حامل حوثیاں دا طیارہ ہا تے اے ابہا دے ہوائی اڈے کوں نشانہ بنڑاونڑ دی کوشش کریندا پیا ہئی حالانکہ اینکوں بین الاقوامی قانون دے تحت تحفظ حاصل اے ۔
