شام اچ کسی عسکری کارروائی اچ شامل کائناں تھیسوں، انجیلا میرکل

سٹام ہوم (پاکستان نیوزپوائنٹ 13اپریل 2018ء) جرمن چانسلر انجیلا میرکل شام اچ کسی عسکری کارروائی دا حصہ بنڑنڑ دے امکان کوں مسترد کر ڈتا ۔ جرمن نشریاتی ادارے دے مطابق ڈنمارک دے وزیر اعظم لارس لودے راسموسن نال ملاقات دے بعد میڈیا نا ل گال بات کریندے ہوئیں انہاں آکھیا شامی جھیڑے حل حوالے نال سارے ممکن اقدامات دا جائزہ گھدا ونجنڑاں ضروری اے ۔ جرمن چانسلر مزید آکھیا جو شام دے معاملے اچ اتحاد دا مظاہرہ ضروری اے ۔اسد حکومت سارے کیمیائی ہتھیار تلف کائنی کیتے۔ واضح رہے جوشام اچ مبینہ کیمیائی حملے دے بعد امریکی صدر ڈونلڈ ٹرمپ عسکری کارروائی دی دھمکی ڈے رکھی اے۔