دنیا اچ124 ملین بندے بھوک نال مر سگدن، اقوام متحدہ

اقوام متحدہ(پاکستان نیوزپوائنٹ 24مارچ2018ء) اقوام متحدہ دا آکھنر ہے جو دنیا اچ تقریبا ساڈھے بارہ کروڑ بندے خوراک نہ ملنڑ دی وجہ نال موت دے منہ اچ ونج سگدن ۔جرمن نشریاتی ادارے دے مطابق اقوام متحدہ دے ادارہ برائے خوراک اپنڑے ہک بیان اچ آکھے جو انہاں بندیاںکوںاگر وختی خوراک نہ پجائی گئی، تاں انہاں دا زندہ رہونر ممکن کائنی۔ بیان دے مطابق ڈھگ ساریاں جئیں تے حالات ایجھے ہن جو لوک خوراک سانگے ہک بئے کوںقتل کر سگدن۔ عالمی ادارے دے مطابق صومالیہ، یمن، جنوبی سوڈان اتے شمال مشرقی نائجیریا اچ فوڈ سکیورٹی ودھ ساری خوف ناک شکل اختیار کر گئی ہے۔ اقوام متحدہ دے ایں ادارے دے مطابق ڈھگ ساریاں جئیں تے خوراک دی گھٹکی دی وجہ مسلح تنازعے ہن۔