امریکا نال بندوق دے زور تے تجارتی معاہدے کائناں کریسوں ،فرانس

پیرس (پاکستان نیوزپوائنٹ 24مارچ2018ء) فرانسیسی صدر ایمانوئل ماکروں آکھے جو یورپ بندوق دے سر تے رکھ تے کرائے گئے تجارتی معاہدیاں تے مذاکرات کائناںکریسی ۔ جرمن نشریاتی ادارے دے مطابق ایہ گالھ انہاں امریکی صدر ڈونلڈ ٹرمپ دے ایں فیصلے دے تناظر اچ آکھی ہے جیندے تحت انہاں سٹیل اتے ایلومینیم دیاں درآمدات تے لاتے گئے نویوں ودھ ٹیکساں نال یورپی یونین کوں عارضی استثنیٰ ڈتے۔ ماکروں برسلز اچ یورپی یونین دے سربراہاں دے اجلاس اچ آکھیا جو یورپی یونین امریکا دے نال تجارتی جنگ اچ کوئی دلچسپی نی رکھینداتے ایں حوالے نال بلاک کوں ہک مٹھ ہونڑ دی ضرورت ہے۔