سعودی عرب ، وزٹ ویزے دی میعاد مکنڑ تے واپس نہ ونجنڑ تے50 ہزار ریال جرمانہ، 6 مہیناں دی قید دی سزا ہوسی

ریاض (پاکستان نیوزپوائنٹ 24مارچ2018ء) سعودی عرب دے محکمہ پاسپورٹ اعلامیہ جاری کریندے ہوئیں آکھے جو وزٹ ویزے تے سڈاونڑ دے بعد میعاد مکنڑ تے واپس نہ بھیجنڑقانوناً جرم ہوسی۔سعودی ذرائع ابلاغ دے مطابق محکمہ پاسپورٹ آکھیا جو خلاف ورزی کرنڑ تے اوںشہری یا غیر ملکی کوں50ہزار ریال جرمانہ اتے 6 مہینے قید دی سزا ہوسی۔ غیر ملکی ہونڑدی صورت اچ سزا مکنڑ تے اوں بندے کوں سعودی عرب توں کڈھ ڈتا ویسی ۔