آسٹریلوی ساحلی علاقے گریٹ بیریئر ریف اچ ہیلی کاپٹر حادثے اچ ڈو امریکی سیاح ہلاک

سڈنی (پاکستان نیوزپوائنٹ 22مارچ2018ء) آسٹریلیا دے ساحلی علاقے گریٹ بیریئر ریف اچ ہیلی کاپٹر حادثے اچ ڈو امریکی سیاح ہلاک تھی گئے۔ہیلی کاپٹر اچ سوار ڈو بئے امریکی اتے ہیلی کاپٹر داپائلٹ معمولی زخمی تھئے۔ عالمی میڈیا آسٹریلوی پولیس دے حوا لے نال ڈسایا جو ساحلی تفریحی مقام ایئرلی بیچ تے تھیونڑ آلے ایں حادثے دے فوری بعد کجھ لوک حادثے آلی جاءتے پج گئے اتے انہاں زخمیاں دی مدد کیتی۔ حادثے اچ 79 سالہ مرد اتے 65 سالہ تریمت ہلاک تھی گئے۔پولیس دے مطابق حادثے دیاں تحقیقات جاری ہن۔