امریکہ اچ شمالی تے ابھے پاسے دے علاقیں اچ برف دے طوفان پاروں زندگی دا نظام مفلوج ،ہزاراں پروازاں منسوخ ،سکول تے سرکاری دفتر بند ،وائٹ ہاﺅس تے محکمہ خارجہ دیاں ساریاں تقریباں منسوخ

واشنگٹن (پاکستان نیوزپوائنٹ 22مارچ2018ء) امریکہ اچ شمالی تے ابھے پاسے دے علاقیں اچ برف دے طوفان پاروں ،ہزاراں پروازاں منسوخ ،سکول تے سرکاری دفتر بند ،وائٹ ہاﺅس تے محکمہ خارجہ دیاں ساریاں تقریباں منسوخ تے زندگی دا نظام مفلوج تھی تے رہ گیا ۔امریکی نشریاتی اداے دے مطابق امریکہ دے ابھے پاسے تے شمالی علاقیں اچ منگل دی شام شروع تھیونڑ آلیاں طوفانی ہوائیں ،مینھ تے برف باری بدھ دی ڈوپہر دے بعد وی وقفے وقفے نال جاری رہی ۔

طلاعات دے مطابق ،نیو یارک اتے بوسٹن اچ ودھ ساری برف پوندی پئی اے جڈاں جو واشنگٹن ڈی سی، ورجینیا اتے میری لینڈ اچ سکول تے سرکاری دفتر وی بند ہن ،برف جم ونجنڑ پاروں کئی جہیں تے سنو ایمرجنسی لاتے حکام سڑکاں تے سفر کرنڑ توں روک ڈتے ۔میری لینڈ دے شہر، بالٹی مور اچ ہنڑ تئیں 6 انچ برف پے گی اے ، جڈاں جو ورجینیا اچ ریگن انٹرنینشل ایئرپورٹ تے ترائے انچ برف پئی اے ۔

محکمہ موسمیات دے مطابق مارچ دی 1تاریخ کوں آونڑ آلا 1964دے بعد اے شدید ترین برفانی طوفان اے۔اتھاں نیو یارک دے گورنر اتے بوسٹن دے حکام سکول تے دفتر بند کرنڑ دا حکم جاری کر تے سنو ایمرجنسی نافذ کرڈتی ۔امریکی محکمہ موسمیات نارتھ کیرولینا توں میساچیوسٹس وچال وسیع علاقے تئیں کیتے طوفان دی چتاونڑیں جاری کر ڈتی اے ،جیں اچ ڈسایا گے جو چھی کروڑ 80لکھ توں ودھ بندے متاثر تھیسن ۔