بھارت اتے پاکستان اپنڑاں جھیڑاگال بات کر تے حل کرن، اقوام متحدہ

اقوام متحدہ (پاکستان نیوزپوائنٹ 20مارچ2018ء) اقوام متحدہ ہک واری ولا بھارت اتے پاکستان تے زور ڈتے جو ڈوہائیں ملک اپنڑے جھیڑے گالھ بات کر تے حل کرن۔ عالمی ادارے دے سیکرٹری جنرل دے ترجمان سٹیفن دوجارچ پریس بریفنگ دے دوران ہک سوال دے جواب اچ آکھیا جو اقوام متحدہ بھارت تے پاکستان وچال ودھدی ہوئی کشیدگی تے نظر رکھے ہوئے ہے اتے اساںانہاں وچال پرانڑے جھیڑے کوں حل کرنڑ سانگے ڈوہائیں فریقاں وچال مذاکرات دی حوصلہ افزائی کریندوں ۔ انہاں توں ہک سوال کیتا گیا جو کیا عالمی ادارے دے سربراہ حالیہ عرصے اچ ڈوہائیں ملکاں دے وزرائے اعظم نال ایں حوالہ نال کوئی گالھ بات کیتی ، ترجمان ایندے تے کوئی تبصرہ کرنڑ توں گریز کیتا۔