روہنگیادے مسلماناں دی فوری مدد دی ضرورت ہے، اقوام متحدہ

نیویارک(پاکستان نیوزپوائنٹ 19مارچ2018ء) اقوام متحدہ دا آکھنڑ ہے جو روہنگیا پناہ گزیناں کوں فوری طور تے ہک ارب ڈالراں دی امداددی ضرورت ہے۔اقوام متحدہ ولوںجاری کیتی گئی رپورٹ اچ آکھیا گئے جو بنگلہ دیش اچ موجود روہنگیا مہاجراں سانگے جاری سال دے دوران ساڈھے 900 ملین ڈالراں دی ضرورت ہے۔ ادارے دے مطابق ایہ رقم بنیادی ضرورت دیاں شئیں، رہائش اتے طبی شعبے تے خرچ کیتی ویسی ۔رپورٹ ا چ واضح کیتا گئے جو مون سون بارشیں شروع تھیونڑ توں پہلے ہی تقریباً ہک لکھ مہاجراں کوں محفوظ جئیں تے منتقل کیتا ونجڑ ضروری ہے۔واضح رہوے جو میانمار دے سورش زدہ علاقیاں توں 10 لکھ بندے بنگلہ دیش اچ پناہ سانگے آئے ہوئے ہن۔