مشرقی غوطہ توں عام شہریاں کوں وختی کڈھیا ویسی ، اقوام متحدہ

دمشق (پاکستان نیوزپوائنٹ 13مارچ2018ء) شامی علاقے مشرقی غوطہ اچ باغیاں دے زیر قبضہ علاقیں توں عام شہریاں کوں بہوں وختی کڈھیا ویسی ۔ جرمن خبررساں ادارے دے مطابق اقوام متحدہ دے شام اچ موجود کوآرڈینیٹر علی الزاعتری میڈیا نال گال بات کریندے ہوئیں عام شہریاں دے وختی نکل ونجنڑ دے امید دا اظہار کیتے ۔ علی الزاعتری ایں سلسلے اچ مزید کوئی تفصیل کائنی ڈسائی ۔ مشرقی غوطہ شام اچ باغیاں دے زیر قبضہ چھیکڑی علاقہ اے ۔ گزریل ڈینھ ایجھیاں خبراں وی سامنڑے آیاں ہن جنہاںباغیاں دے کجھ گروپاں مشرقی غوطہ توں نکلنڑ تے اتفاق کر گھدے۔