امارات تے سعودی عرب وچال ٹرین سروس دا آغاز 2021 اچ تھیسی

دبئی (پاکستان نیوزپوائنٹ 13مارچ2018ء) متحدہ عرب امارات اچ زمینی تے بحری مواصلات دی وفاقی اتھارٹی دے ڈائریکٹر جنرل عبداللہ سالم الکثیری آکھیے جو دسمبر 2012تئیں متحدہ امارات کوں سعودی عرب نال رلاونڑ آلا ریلوے ٹریک تیار تھی ویسی ۔العربیہ ٹی و ی دے مطابق اے گال انہاں دبئی اچ ہک کانفرنس اچ ڈسائی ۔ 2015اچ جاری سابقہ رپورٹاں اچ ڈسایا گیا ہئی جو خلیج دے پورے علاقے اچ ریلوے ٹریک دی تیاری سانگے 200 ارب ڈالر دی سرمایہ کاری کیتی ویسی۔ ایں ٹریک دی مجموعی لمبائی 40 ہزار کلومیٹر ہوسی۔متعلقہ ذرائع دے مطابق ایں منصوبے دے نتیجے اچ روزگار دے ہزاراں موقع پیدا تھیسن تے اقتصادی سرگرمیاں اچ وی ودھارا تھیسی۔