ریاض (پاکستان نیوزپوائنٹ 13مارچ2018ء) سعودی عرب دے ڈائریکٹوریٹ جنرل پاسپورٹس صارفین سانگے آن لائن خدمات متعارف کراونڑ دا اعلان کر ڈتے ۔العربیہ ٹی وی دے مطابق صارفین سانگے ”ابشر“ پلیٹ فارم توں معلومات دا تبادلہ، سروسز دی فراہمی تے پورے اختیارات ڈیونڑ جیہو جاں سہولتاں ڈتیاں ونج سگسن ۔ڈائریکٹوریٹ پاسپورٹس آکھیے صارفین کوں آن لائن سہولتاں مرحلہ وار ڈتیاں ویسن ۔
’ابشر پلیٹ فارم‘ توں فراہم کیتی ونجنڑ آلی سروسز دے ذریعے سعودی عرب اچ ملازمت کرنڑ آلا کوئی وی شہری یا مملکت اچ خاندان دا سربراہ اپنڑے زیرکفالت لوکاں دے پاسپورٹ دے ڈیٹا کوں اپ ڈیٹ کرنڑ دے سعودی عرب اچ موجود متعلقہ ملک دے سفارت خانے توں ایندی تجدید کرا سگسی ۔ابشراچ اکاونٹ ہولڈر کوں مشروط طورتے مقامی یا عارضی طورتے قیام پذیر لوکاں کوں سروسز ڈیونڑ دا اختیار ہوسی ۔ مگر ایں سانگے ضروری اے جیں سانگے ذمہ واری ڈتی ویندی پئی اے صاف کوں ایں تے پورا اعتماد ہووے ۔
