نئی دہلی (پاکستان نیوزپوائنٹ 16فروری2018ء) بھارتی دارالحکومت نئی دہلی اچ ڈاکٹراں شدید دورے دے بعد ہک گھنٹے تئیں دل دی دھڑکن بند رہنڑ دے باوجود 22 سالہ انجینئر دی جان بچاگھدی۔ بھارتی اخبار دی رپورٹ دے مطابق علی گڑھ نال تعلق رکھنڑ آلے 22 سالہ انجینئر آصف کوں سینے اچ ودھ سارے درد دی وجہ توں ہسپتال لاتا گیا جتھاںمعائنے دے دوران اینکوں دل دا شدید دورہ پے گیا۔
ڈاکٹراں وختی کارڈیو پلمونری ریسسائیٹیشن (سی پی آر) دے عمل نال ایندا دوران خون بحال کرنڑ دی کوشش کیتی تاں ایندا دل خون دا لوتھڑا نالی اچ پھس ونجنڑ دی وجہ توں بند تھی گیا ہئی ۔ ڈاکٹروں ڈی فائبریلیٹردی مدد نال ہک گھنٹے بعدایندے دل دی دھڑکن بحال کرڈتی تے خون دے لوتھڑے دی نشاندہی سانگے مریض کوں اینجیوگرام کرنڑ سانگے لیبارٹری گھن ویندے پے ہن ایں دوران اینکوں ولا دل دا دورہ پے گیا تاں جو ڈاکٹراں ہمت نہ ہاری اتے اینجیوگرام کرنڑ دے بعد خون دے لوتھڑے کو ںنالی توں کڈھ تے متاثرہ جاہ تے سٹنٹ پا ڈتا۔
