واشنگٹن(پاکستان نیوزپوائنٹ 16فروری2018ء) امریکا اقوام متحدہ تے زور ڈتا جو او روہنگیا مسلماناں دے قتل عام تے میانمار دی فوج کوں ایندا ذمے وار قرار ڈتا ونجے ۔امریکی ذرائع ابلاغ دے مطابق امریکہ میانمار ولوں روہنگیاں مسلماناں دے قتل عام دی تردید کوں احمقانہ قرار ڈیندے ہوئیں اقوام متحدہ تے زور پاتے جو او میانمار دی فوج کوں ایندا ذمے وار قرا ر ڈتا ونجے تے ایں ملک دی رہنما آنگ سان سوچی تے دباﺅ پاتا ونجے جو او اپنڑے ملک اچ تھیونڑ آلے ایں ڈراونڑیں عمل کوں من گھنے ۔
سلامتی کونسل اچ امریکی سفیر نکی ہیلی اپنڑے خطاب اچ آکھیا جو میانمار حکومت اچ موجود عناصر رخائن ریاست اچ مسلماناں دے قتل عام دی تردید کیتی اے۔امریکی سفیر آکھیا جو میانمار دی حکومت اپنڑی احمقانہ تردید تے تضاد لکاونڑ سانگے اقوام متحدہ سمیت ہر کہیں کوں رخائن ریاست اچ اپنڑے ظلم تے پردہ پاونڑکوں روکیندی پئی اے ۔
