لندن (پاکستان نیوزپوائنٹ 14 فروری2018ء) برطانیہ دے وزیر خارجہ بورس جانسن پاکستان دے اقتصادی اصلاحات دے ایجنڈے اتے انسداد دہشت گردی سانگے کوششاںدی تعریف کیتی اے ۔ انہاں ان خیالاں دا اظہار بدھ کوںوزیر داخلہ احسن اقبال دے نال ملاقات دے دوران کیتا ۔ احسن اقبال برطانیہ دے وزیر خارجہ کوں ڈسایا جو سکیورٹی صورتحال اچ بہتری مو ¿ثر اقتصادی ترقی اتے جمہوری اداریں دے استحکام دی وجہ نال پاکستان بے مثال تبدیلی دے عمل توں گزردا پے ۔
انہاں آکھیا جو پاکستان اہم تجارتی تے سرمایہ کاری شراکت دار دے طور تے برطانیہ دے کردار دی تعریف کریندے ۔ انہاں برطانوی وزیر خارجہ کوں دہشت گردی اتے انتہا پسندی دے خاتمے سانگے پاکستان دیاں کوششاں بارے تفصیل نال ڈسایا ۔برطانوی وزیر خارجہ اعتراف کیتا جو پاکستان اچ بھر پور اقتصادی ترقی دی صلاحیت موجود اے ۔انہاں آکھیا برطانیہ چین پاکستان اقتصادی راہدری اچ ودھ ساری دلچسپی رکھیندے ایندے نال پیدا تھیونڑ آلے موقع تے فائدہ چاونڑ چاہندے ،انہاں خطے اچ تے دنیا اچ با العموم امن دے قیام سانگے پاکستان دی انسداد دہشت گردی دیاں کوششاں دی تعریف کیتی ۔
وزیرداخلہ پاکستانی ہائی کمیشن اچ ہک پریس کانفرنس نال وی خطاب کیتا تے لندن اچ قائم بین الاقوامی میڈیا اداریں کوں انٹرویوزوی ڈتے ۔ اپنڑے ڈو ڈینھ دے دورے دے دوران انہاں برطانوی قیادت ، پاکستانی برادری، تھنک ٹینکس، برطانوی پارلیمنٹ دے پاکستانی نژاد ارکان اتے میڈیا دے نمائندیں نال ملاقاتاں کیتیاں ۔
