نیویارک (پاکستان نیوزپوائنٹ 13 فروری2018ء) امریکی پولیس آکھے جو سفید پاﺅڈرآلے ہک خط دا لفافہ کھولنڑدے بعد صدر ڈونلڈ ٹرمپ دی بہو ونیسا ٹرمپ کوں حفاظتی اقدامات پاروں ہسپتال منتقل کر ڈتا گئے ۔برطانوی نشریاتی ادارے مطابق ایہ خط ڈونلڈ ٹرمپ دے وڈے پتر ٹرمپ جونئیر دے ناں ہائی اتے ایندے تے انہاں دے مین ہٹن اپارٹمنٹ دا پتا لکھیا ہویا ہا۔ونیسا ٹرمپ اتے موقع تے موجود ڈو بئے بندیاں کوں فائرفائٹرز تشخیص سانگے ہسپتال پجایا۔
نیویارک پولیس ڈیپارٹمنٹ ڈسایا جو انھاں کوں خط اچ موجود سفید سفوف دی گول پھرول دے بعد تصدیق تھئی جوا وہ غیرمضر ہا۔ پولیس حکام ڈسایا جوبظاہر ونیسا ٹرمپ ایندے توں جسمانی طور تے متاثر نی تھئی۔ ٹرمپ جونیئر اپنڑے ٹویٹ اگ آکھے جو انہاں دا خاندان محفوظ ہے اتے انھاں ایں واقعے کوں ناگوار قرار ڈتا ہے ۔
