مقبوضہ بیت المقدس (پاکستان نیوزپوائنٹ 13 فروری2018ء) اسرائیل اچ 60 فیصد فلسطینی بالاں کوں جسمانی تے نفسیاتی تشدد داسامنڑاںکرنڑ پوندے۔ فلسطینی قیدیاں دی جمعیت ولوں جاری کیتے گئے تحریری بیان اچ آکھیا گئے جو اسرائیل اچ فلسطینی بالاں کوں جسمانی تے نفسیاتی تشدد دا سامنڑاںہے۔ بالاں تے کیتے ونجنڑ آلے تشدد اچ ”بالاں کوں رات گئے گرفتار کر تے جیلاں اچ بند کرنڑ ، جسمانی تشدد دا نشانہ بناونڑ، ڈرا دھمکا تے تفتیش کرنڑ،کھاونڑ پیونڑ توں محروم رکھنڑ اتے نفسیاتی تشدد دا نشانہ بناونڑ“ شامل ہن۔
فلسطینی قیدیاں دی جمعیت سمیت ڈھگ سارے اداریاں دی شراکت نال تیار کیتی گئی ایں رپورٹ مطابق اسرائیلی جیلاں اچ ایں ویلھے7 ہزار فلسطینی قیدی بند ہن ،جنہاں وچوں 481 مقبوضہ مشرقی بیت المقدس توں ہن، 57 تریمتاں اتے 300 بال وی شامل ہن۔
