امریکا یورپ اتے ایشیاءاچ سونے دیاں قیمتاں اچ ودھارا

لندن (پاکستان نیوزپوائنٹ 13 فروری2018ء) امریکا اتے یورپ اچ سونے دایں قیمتاں اچ ودھارا تھئے۔ نیویارک اچ وقفے دے بعد سپاٹ گولڈ دیاں قیمت 0.5 فیصد ودھ تے 1323.16 ڈالر فی اونس رہی جڈانجو یو ایس سپاٹ گولڈ د ی فروری سانگے سپلائی 0.8 فیصد ودھارے دے نال 1326.40 ڈالر فی اونس طے پاتی،چاندی دیاں قیمتاں وی 1.2فیصد ودھ تے 16.55 ڈالر فی اونس رہیاں۔ لندن اچ سپاٹ گولڈ دی قیمت 0.4 فیصد ودھارے دے نال1321.28 ڈالر فی اونس تے بند تھئی اتے امریکی سونے دے سودے 0.5 فیصد ودھارے دے نال 1322.20 ڈالر فی اونس طے پاتے۔

چاندی16.52 ڈالر فی اونس رہی ۔ایشیائی سپاٹ اچ سونے دی قیمت 0.6 فیصد ودھارے دے نال 1323.63 ڈالر فی اونس،امریکی گولڈ فیوچرز برائے اپریل ڈیلیوری 0.8 فیصد ودھارے دے نال 1325.60 ڈالر فی اونس طے پاتی۔سپاٹ مارکیٹ ماہرین آندے ہفتیاں اچ عالمی مارکیٹ اچ سونے دیاں قیمتاں 1300 ڈالر فی اونس تئیں آونڑ دے امکان ظاہر کیتا ہے۔