جنگاں پاروں50 ملین بال بے گھر، اقوام متحدہ

اقوام متحدہ(پاکستان نیوز پوائنٹ 07ستمبر 2016ء) اقوام متحدہ دے ادارہ برائے بہبود اطفال بے گھر تھیونڑ آلے بالاں دے اعداد و شمار جاری کیتے ہن۔ جیندے مطابق پوری دنیا وچ جنگ اتے مختلف تنازعات دی وجہ نال 50 ملین بالاں کوں اپنڑے گھر بار چھوڑنا پئے۔اقوام متحدہ دے ادارہ برائے بہبود اطفال یونیسیف دے ڈائریکٹر انتھونی لیک دے مطابق تقریباً ہک سال پہلے ساحل سمندر تے ایلان کردی دی لاش اتے رت آلے منہ دے نال ہک ایمبولینس وچ بیٹھے عمران دقنیش دی ا وہ ناقابل فراموش تصویراں ہن ، جنہاں دنیا کو ںہلا تے رکھ ڈتا ہا۔ انہاں دا آکھنڑ ہا جو ہر چھوہر یا چھوہر دی ہر تصویر دنیا وچ خطرات وچ گھرے لکھاں بالاں دی نمائندگی کریندی ہے۔