واشنگٹن (پاکستان نیوز پوائنٹ 07ستمبر 2016ء) امریکا پاکستان ولوں پاک افغان سرحدی علاقے وچ دہشت گرداں دے خلاف کیتی گئی کارروائیاں تے اطمینان دااظہار کریندے ہوئیں ایکوں حوصلہ افزاءقرار ڈتا ہے۔ امریکی محکمہ خارجہ وچ ہک بریفنگ دے دوران محکمہ خارجہ دے ترجمان مارک ٹونر ہک سوال دا جواب ڈیندے ہوئیں آکھیا جو پاکستانی انتظامیہ دہشتگرداں دا پیچھا کریندے ہوئیں انہاں کوں مکاونڑ دے عزم دی تائید کیتی ہے اتے پاکستان دی انہاں کارروائیاں نال دہشت گرداں دے حوصلے پست ہوسن اتے اساکوں امید ہے جو کارروائیاں جاری راہسن ۔
مارک ٹونر آکھیا جو اوباما انتظامیہ پاکستان ولوں شدت پسنداں دے خلاف حالیہ اقدامات تے مطمئن ہے اتے ایں ضمن وچ پاکستان دے نال تعاون کوں جاری رکھیسی تاں جو دہشتگرد گروپاں تے دباﺅ کوں ہور ودھایا ونج جا سگے ۔ مارک ٹونر آکھیا جو امریکا ایں امر دا خواہشمند ہے جو پاکستان اتے بھات وچال دہشت گردی دے خلاف تعاون اتے ایں بارے انٹیلی جنس رپورٹاں دے تبادلے تے اتفاق کوں ودھارا ڈتا ونجے ۔
